الأقسام

صفحات

روابط

القصة الكاملة لاطفال كهف الموت تايلاند

القصة الكاملة لاطفال كهف الموت تايلاند

القصة الكاملة لاطفال كهف الموت تايلاند.

1- الحكاية بدأت لما 12 طفل بعد تدريبهم قرروا يطلعوا مغامرة للكهف ده اسمه ثام لوانج وهى مغامرة معتادة من أهلالبلد دى والمنطقة دى وللكهف ده اللى طوله حوالى 10 كيلو متر 

وصولوا وسابوا الأحذية بتاعتهم والدراجات بره الكهف وبدأوا يدخلوا مع المدرب ..لسوء الحظ أول ما تقريبًا مشيوا حوالى 3 كيلو جوه المطر بدأ ينزل بغزارة شديدة جدا جدا موسم الأمطار فى تايلاند

القصة الكاملة لاطفال كهف الموت تايلاند
بدأ المدرب يقلق وقرروا انهم يرجعوا علشان يخرجوا بره الكهف .. لكن المسافة كانت أبعد من أنهم يخرجوا ..الكهف بدأ يتملى مياه ويحصل بعض الأنهيارات الجبلية اللى بتسد الطريق عليهم ..وكان القرار لام يهربوا من منسوب المياه اللى بيرتفع بسرعة كبيرة

* - وفعلاً ..خدهم المدرب لمنطقة صخور عالية جوه الكهف هما عارفينها وعارفين أن المياه صعب توصل ليها ..وفضلوا قاعدين.

القصة الكاملة لاطفال كهف الموت تايلاند

*- الأهالى بدأت تحس بغيابهم ويدوروا عليهم وفعلاً بلغوا الشرطة اللى بحثت عنهم ووجدت حاجاتهم على مدخل الكهف ، الموضوع بدأ يكبر والسلطات التايلاندية أعلنت رفع حالة الطوارئ لإنقاذ الاطفال فى ظل تزايد المطر ، الصين واستراليا وأمريكا واليابان وفرنسا ودول تانى بعتت فرق متخصصة للمشاركة مع الحكومة التايلاندية فى عملية الانقاذ ، والموضوع بدأ ياخد صدى اعلامى واسع جدا لان الاطفال بقالهم أكتر من اسبوع جوه الكهف ، وفعلا دخل اتنين من الغواصيين البريطانين ولاقوا الأطفال وصوروهم وبعتوا صورهم لاهاليهم ..وفي فيديو للحظات الاولى للعثور عليهم وهما فى حالة اعياء وتعب شديد مفيش اكل وشرب واكسجين قليل.

القصة الكاملة لاطفال كهف الموت تايلاند

* بدأت العمليات الحسابية فى اخراج الاطفال والصراع مع الزمن ، وبالحسابات العادية وجدوا ان محاولة رفع المياه وسحبها برة الكهف هتاخد حوالى شهرين على الاقل ودى مدة مستحيلة ان الاطفال يستمروا فيها عايشين جوه ، حتى لو وفروا ليهم اكسجين وأكل وشرب وان كان ده صعب اصلا.

القصة الكاملة لاطفال كهف الموت تايلاند

*الحل التانى اخراجهم بواسطة غواصين ، ولكن بردو وجدوا ان المسافة طويلة توصل حوالى 7 كيلو إلى جانب أن الممرات المتاحة ضيقة جدا ومش هتعدي الاطفال مع الغواصين مع انابيب الاكسجين ، وإلى جانب ضيق الممرات كمان الطين وانعدام الرؤية وهيبقى الموضوع مجازفة وخطر على حياتهم خصوصا ان الغواص محتاج تقريبا من اربع إلى ست ساعات علشان يوصل للأطفال وزيهم وهو راجع يعنى مجهود مضاعف واكسجين مضاعف.

القصة الكاملة لاطفال كهف الموت تايلاند

* الحل التالت هو ان السلطات تعلم الاطفال السباحة والغوص بمفردهم وده هياخد حوالى 4 شهور تقريبًا ، لكنها الطريقة الأكثر أمان فى الوقت الحالى وفعلا تم توفير اكسجين وطعام وعلاج لفترة 4 شهور تحسبًا للظروف خصوصا ان الارصاد بتتوقع انهمار امطار اكثر غزارة الفترة الجاية لانه ذروة الموسم واحتمال منسوب المياه يرتفع اكتر

* بدأ تدريبهم على الغوص والسباحة وبدأت السلطات تسحب المياه بره الكهف وخلاص الكل اقتنع ان هو ده الحل الوحيد والأمان ، وبالفعل تم توفير طعام وعلاج واكسجين ، وبدأت الخطة تتنفذ ، لحد ما توفي غواص تايلاندي كان بيوزع اسطوانات الاكسجين جوه الكهف ومات وهو راجع بعد ما فقد كل الاكسجين اللى معاه ، والخطة توقفت لانخفاض مستوى الاكسجين والهواء جوه الكهف ، السلطات أعربت عن خوفها وقلقها من كمية العاملين جوه الكهف ى رفع المياه وتوصيل الحبال تمهيدأ لعملية الانقاذ فقررت توقف الخطة وتوصل كابل هواء لحد الاطفال لتزويدهم بالأكسجين ..

القصة الكاملة لاطفال كهف الموت تايلاند

* لحد ما ظهر الملياردير الأمريكي الين ماسك - اللى بعت للسلطات خطة انقاذ شاملة يقدمها من الشركة بتاعته ، وبالفعل تم عمل مؤتمر صحفي والاعلان عن الخطة الجديدة وبدأت السلطات والغواصين التعاون فى تى توفير كل التسهيلات لشركة الين ماسك صاحب خطة الأنقاذ ، واللى بتعتمد على اخراج الاطفال داخل انابيب غوص على مقاسهم ومزودة بالأكسجين بيتم سحبها أو اطلاقها زى الغواصات البحرية العادية عبر الممرات وفيها اجهزة اشعار ، وتم صنع الغواصات فى زمن قيساي حوالى 4 ايام علشان يتم تسليمها للسلطات التايلاندية

 

القصة الكاملة لاطفال كهف الموت تايلاند

- فى الوقت ده بدأت الاهلى تبعت رسايل للأطفال جوه الكهف والاطفال كتبوا بعض الرسايل للأهالي وتداولتها وسائل التواصل وكلها رسائل ايجابية ، وظهرت كمان بعض التقارير بتفيد ان الناس غاضبة من المدرب لانه هو اللى وافق انهم يروحوا الكهف لكن الاهالى والصحافة دافعت عنه وقالت انه اكثرهم سوء فى حالته الصحية وانه بيراعي الاطفال بعناية شديدة وهو اللى حافظ على هدوئهم وتركيزهم الفترة دى

القصة الكاملة لاطفال كهف الموت تايلاند

* الوقت بيجري والزمن مش فى صالحهم لان السلطات اعلنت ان الفيضانات والامطار هتبدأ تانى بغزار يوم السبت وده بيعرقل عملية الانقاذ وعلشان كده بعتوا للملياردير الين ماسك استعجاله فى الانتهاء من وسيلة الانقاذ المبتكرة ، وبدأت فرق من المهندسيين وعلماء الجيولوجيا فى رسم الممرات الضيقة وتجهيز خريطة بيانية للكهف لتسهيل عملية الانقاذ اللى هيشارك فيها أكتر من 8 الاف شخص

القصة الكاملة لاطفال كهف الموت تايلاند

* الاتحاد الدولي لكرة القدم الفيفا بعت دعوة للأطفال بحضور نهائ كأس العالم ، المنتخب اليابانى بعتلهم رسالة [انهم اقوياء واسرة كرة القدم معاهم ، رونالدو اتكلم عنهم ، معظم الاتحادات الرياضية والمحلية والعالمية والمدربين واللاعبين والنجوم اتكلموا عن الموضوع وبعتوا رسايل تحفيز وتشجيع ليهم ملناش دعوة احنا - خلينا فى الكابتن متحت شلبي والحاج عامر حسين

- اثناء ما الغواصات بتتصنع فى شركة الملياردير الامريكي كمية مساعدات وتعاون رهيب على مدلخ الكهف من اهالي المنطقة اللى بدأوا يستضيفوا الناس الموجودين والناس تطبخ اكل وتطلعه فوق عند الكهف للمتطوعين ووسائل الاعلام بتعمل تقارير عن الاهالى والمنطقة اللى اصبحت اشهر منطقة فى تايلاند دلوقتي

* امبارح بالليل تم تسليم اول غواصة انقاذ للأطفال ، وبدأت العملية وسط ترقب ومتابعة العالم كله ، وبث مباشر من اكثر من 40 وكالة اعلام وقناة ، وبالفعل تم اخراج أول 4 أطفال بره الكهف وكان فى انتظارهم فريق طبي كامل وغرف طوارئ وعمليات .. الاطفال اللى خرجوا محدش منهم بيقابل حد ولا بيتكلموا وتحت ملاحظة طبية ورعاية عالية

الوضع دلوقتى حالة ترقب شديد ، تم ايقاف عمليه الانقاذ ومقرر استئنافها بعد 8 ساعات من دلوقتي ..والوضع بيزداد سوء وخطورة نظرا لتهاطل المطر من جديد وقلة الاكسجين وسوء حالة الاطفال الموجودين بالداخل

القصة الكاملة لاطفال كهف الموت تايلاندالحدث انساني عظيم جدا ، والاخبار كتير عن الموضوع ..ووكالات وشكرات ومؤسسات هتبدأ صراع كبير جدا حوالين الاطفال دي ، لو تمت عملية الانقاذ بشكل كامل وصحيح دون التوقعات المنتشرة حول وقوع خسائر فى الارواح