الأقسام

صفحات

روابط

يسعد مساك .. ويسعد الله لياليك

يسعد مساك .. ويسعد الله لياليك

قصائد مسائية قصيرة، يسعد مساك .. ويسعد الله لياليك، اجمل كلمات المساء للتواصل بين الاحباب. 

يسعد مساك .. ويسعد الله لياليك
روحي فداك .. وفرحتي في عيونك
قلبي عليك .. من الهوى ميتن فيك
وعمري ولا يسوى حبيبي بدونك
اضحك وسولف جعل ربي يخليك
ياضحكة الدنيا عسى الله يصونك
يااحلا من السكر على القلب طاريك
وابرد من الما في وريدي مزونك
--
مساك اللي تخيرته ولا حسيت به انته
كذا مرت بي الدنيا على النيه لجل عيناك
مساك اللي يلوح بعيد عن عيني اذا شفته
تماهى في العنا لما تناظرني العيون هناك
انا ذاك الكلام اللي تحس اني توهمته
انا ذاك المسا الواهن يعيث بدمعي التهلاك
تقول : يمرني الهاجس اذا مرة تذكرته
انا من هاجسي ياما يمرالمزح دون ادراك
كثير اللي ضحك يمكن عنا الخفاق ما شلته
وهذا الهم يا سيدي زرع في دربي الاشواك
احس ان الحضور اللي لمحته صعب هيمنته
تعودت اندثر فيني يطول رجاي ماهو رجاك
ولكن نهج من ينسى مفاده شوق واخذلته
خذلت بقلبي أشواقي اهيم بحكمته وانساك
تعّلم يا نظر عيني تغادر قلب عذبته
كثر ما تبتعد اكثر كثر ما خافقي يظماك
من اللمحة اذا لاحت على أطلال ماعشته
ابيها اللمحة تخفيها عن عيوني وهي تجفاك
وكانت غايتي فيها كثير الوجد وأشعلته
يغيب الوجد في صدر الدياجر دونها مسراك
هنا في خافقي ياما زرعتك للسرى نبته
هنا في خافقي ياما يجف النبت لين أحياك
--
لا يا حبيبي لا تقولي مساء الخير
قلي مساك انا .. وبه الخير كله
يالي بحضورك ينقلب عالمي غير
لك منزلن بالقلب محدن وصل له
تعال بعثر بالعمر دون تبرير
فدوه ولو صوب المهالك تتله
علمتني احب واشتاق واغير
علمتني أن أعذب الوصل قله
تعال شوف الحلم في ناظري طير
لا حام برضك الأمل يستحله
شد الهقاوي فيك من دون تفكير
عاشق ولاحد يلوم عاشق بخله
و إن حال في دربي ودربك مقادير
فقلبي بجوفك وانت كلك محله
منساك لو ضاقت جميع التدابير
انساك انا .. معقول .. معقول بالله

الوسوم